کوردی

وێنەیێ فلەیان د «ھاوار بلوورێ» دە

عەلیێ پاکسرێشت

کورتە
پرسا قڕکرنا ئەرمەنیان ھین ژی ژ بێریا گەلێن دەڤەرا باکوورێ رۆژاڤایێ ئیرانێ نەچوویە و بۆ جارا یەکەم و د یەکەمین رۆمانا کوردیا کورمانجیێ ل ئیرانێ دە ئەڤ وێنە ب زمانێ وێژەیی رابەر بوویە. د ھاوارا بلوورێ دە تەڤنەکە رەنگین ھاتیە راخستن کو تێ دە رەنگێن پێکھاتەیێن جووربەجوور ب تایبەت تێکلیێن گەلێری یێن کورد و فلەیان بەربچاڤن. نڤیسکار تەڤنا ژیانا براتی، ئاشتیانە یا د ناڤبەرا پێکھاتەیان دە راخستیە. د ڤێ نڤیسارێ دە چەند ھێل ژ سەرپێھاتی و تێکلیێن کورد و ئەرمەنیان ھاتنە نیشاندان.
ئەڤ رۆمانا نەینکا پڕچاندیێ و خورتبوونا پێوەندیێن ئۆل و نەتەوەیێن جودایە، تەڤی کو ب جاران ھاتنە خاپاندن لێ ھێڤیێ ددە کو ھەموو پێکھاتە دکارن خوە بگھینن رۆژێن وەکی یێن بەرێ، تژی ئەڤین و مرۆڤدۆستی.
پەیڤێن سەرەکە: ئەرمەنی، کورد، فلە، قڕکرن

0 پێشگۆتن
ئیرۆ دەما قالا قڕکرنا ئەرمەنیان تێ کرن، سالا ١٩١٥ان و کریارێن ترکیێ تێن بێریا مرۆڤ، لێ بەرمایی و خەرابەیێن گوند، کلیسە، گۆرستان، نیشانێن خەزنەیان، نڤیسێن سەر زناران ل دەڤەرێن باکوورێ پارێزگەھا ئازەربایجانا رۆژاڤا یا ئیرانێ، ژ ماکوویێ ھەیا ئوورمیێ، ب زەلالی نیشان ددن کو قادا قڕکرنا ئەرمەنیان ب دەستێ ترکان تەنێ کێمسینۆری ترکیێ نینە. وسان خویا دکە قڕکرنا ئەرمەنیان ل ڤێ دەڤەرێ باش نەھاتیە ناساندن. کوردێن کورمانجێن ڤان دەڤەران ژی د گۆتنێن خوە یێن زارگۆتنی، ئستران، لاوژە، چیرۆکان… دە ژی ھەبوونا ئەرمەنیان، تێکلیێن وان یێن تایبەت دگەل کوردان نیشان ددن. ھەبوونا بەرمایێن ئەرمەنیان، گوندێن وان ل باژارێ ئوورمیێ، ژی بەلگەیەکە دنا ژیانا وان ل ڤێ دەڤەرێیە.

نوشته های مشابه

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

دکمه بازگشت به بالا
بستن
بستن