کوردی

مامۆستا گۆران – شێعر

ساڵوەگەری کۆچی دوایی شاعیری بەرزەناو مامۆستا گۆرانە .

یادی بەرز و ڕۆحی شاد

……….        ……….      ………..

قــژ کاڵـی لێو ئاڵـی، پـڕشـنگی نیـگا کاڵ

ئەی کچە جوانەکەی سەر گۆنا نەختێک ئاڵ !

🎶🎶

ئەی کچـە مەنگـەکەی بـە دەنگی چپـە دوو

گەندەمووی دەم و چاو، مەچەک هەڵنەگرتوو!

🎶🎶

ئەی ئەندام وردیلەی نەرمۆڵەی ئێسک سووک!

ئەی بەرگـی سـاکـارت دڵگـیرتر لە هـی بووک !

🎶🎶

ڕاستە من ڕێبوارم، سەرپێ یی ئەڕوانم

بەڵام وا جوانـیی تۆ کاری کـرد لە گیانـم،

🎶🎶

ئەڵێی نەک هەر ئێستا، عومرێکی درێژە

بەو دەسـت و پەنجانەت بریـنم سـارێژە !

🎶🎶

ئەی کچە کاڵەکە ! جوانی تر با زۆر بن

لە باغچەی بەهارا گوڵباخی بەر خۆر بن

🎶🎶

با ڕەنگیان پەرداخت بێ و جێگەیان سەرچڵ بێ

بە واتـای خەڵـکـی تر با ناویان شـاگوڵ بێ

🎶🎶

گیانی من بۆ تەڵێ وەنەوشـە پەرۆشـە

کـە لە ژێر سـێبـەری تـووتـڕکا خامۆشـە !

🎶🎶

لە هەمـوو ئاسـمانا ئەسـتێـرەی بـەربەیان

ئەخاتە دڵی من هەسـتێکی سپی و جوان !

🎶🎶

لە تەختێک هەڵ دەستێ هەزار و یەک نەغمە

ئەوەیان شـیریـنتـر دێتـە گوێـم زۆر نـزمـــــــە !

🎶🎶

کانییەکی ڕوونی بەر تریفەی مانگە شەو

لە بنیا بلـەرزێ مـرواریی زیـخ و چــەو

🎶🎶

جوانترە لە لای من لە دەریای بێ سـنوور

شەپۆلی باتە بەر تیژکی ڕۆژ شڵپ و هووڕ !

🎶🎶

قژ کاڵی لێو ئاڵـی، پرشـنـگی نیـگا کـاڵ

ئەی کچە جوانەکەی سەر گۆنا نەختێک ئاڵ !

🎶🎶

دەروەست نیم ڕێبوارم، دەروەست نیم ڕەوتەنیم

ئەزانی شـپرزە و دەربەسـتی   ئـێجگـار چـیم؟!

🎶🎶

هـی ئەوەی نیـگارێک لـە یادم کێشـراوە

شـۆخێکـی نایابە، بەڵام ئاخ، بێ ناوە !

مامۆستا گۆران

نوشته های مشابه

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

همچنین ببینید

بستن
دکمه بازگشت به بالا
بستن
بستن