کوردی

سابڵاغی جاران

شارەکەم! لە وەرزی تەمەنی پڕ ساڵەوە جاڕیکی دیکەش لە کەروێشکە خەو ڕادەپەڕم و لە بەرزایی خەیاڵمەوە دەچمەوە دەورانی مناڵی و کاڵی و دەڕوانمە گەڕەک و کۆڵانە تەنگەبەر و شەقامەکانت. من لە سەیرانی کێو و کوێستان و کانیاوی سارد ولە لەوەڕگەی زەنوێرەوە سەربەرەوژێری ناخی شارەکەم دەبمەوە. دەگەڕێمەوە شەش دەیە دواتر و دەگەڵ پۆلی منداڵان بەدوای دادودیدی ماشینی ئاوپڕژێنی شەقامەکانی شاردا ڕا دەکەم و بە دەنگێکی  ناسکی کچوڵانە “دادوودادوو سەیزادە ئاوم پێیە وخۆت لادەی دەڵێمەوە. خۆم تۆزاوی دەکەمەوە، با دایکم وەک هەموو جارێ جارێکی دیکەش لێم توڕە بێ و خۆشکۆڵەکانم سەر و پۆتەراکم بتەکێنن و زێدەبراکەم بۆم خەمبار بێ .

 جا چ بکەم ئاشنایان ئێستاش سروەی زەریانی بەیانان  بۆنی گوڵەباخەکانی پیرە دەشتەکەی شاروێران و جاترە و بێژانی قوڵقولاغ و زاوا و بووک… لە ناخمدا بینە دەخۆنەوە. ئێستاش بۆنی تۆزی بەر بای شەماڵی ئێوارانەی گۆرستانە پیرۆزەکەی بداغ سوڵتان فەرامۆشیم دێنێتەوە.

 سابڵاغ شارەخونجیلانەکەم ،شاری پڕشانازی نەتەوەکەم ، وڵاتەکەم! تۆ تا خوا حەق بکات مەزنی و مەزنتریش بووی و مەزنتریش دەبی، بەڵام بمبوورە گەلیک بۆم نامۆی!

درێژەی هەیە…

نوسەر : خانمی پەروانە ئەحمەدەین

برچسب ها

نوشته های مشابه

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

همچنین ببینید

بستن
دکمه بازگشت به بالا
بستن
بستن